GAZELLA

GAZELLA

Arabice gazal, capreae hinnulus, nomen ab amore habet. Nam gazala, aliquem amatorio sermone demulcere, significat; et algazlo, est de amore sermo vel carmen: et agzalo, qui huiusmodi sermones apprime callet, Vide Anton. Thys. in Miscell. Interim licet e caprearum genere hazellae sint, nostris tamen loge sunt proceriores, et in illis locis, cervi, magnitudine vel pares vel suppares: lnprimis o rim inter illas, ut pinguedine, sic staturâ, eminet. Unde Balaamus de Israele, Illi populo sunt elationes τοῦ reem. i. e. quales sunt elationes τοῦ reem. Quasi praedixisset fore, ut tam emineret populus ille inter reliquos populos, quam eminer reem inter reliqua caprarum genera. Nisi quis id referre malit ad id, quod Arabes observant, huic animali peculiare esse, ut caput et aures multum erigat, et propriâ voce id appellari elationem aut eminentiam τοῦ rim, etc. Vide Sam. Bochart. Hierozeici Part. prior. passim, inprimis l. 3. c. 27. Apud Albertum aq. l. 7. c. 66. Gazela vel Gazella, equus est Saracenicus, cursu praevalens. Sic apud Order. Vital. l. 10. de Balduino Rege Hierosol. legimus, Inde Rex cum suo commilitone gazellam suam ascendit: quam celerem equam fortissimamque supra dixerat. De quo significatu vocis quid sentiendum, ex praedictis facile est videre.